اخباركم ايه يا حلوين واخبار ميزانيتكم؟ ❤
ظبطنا الميزانية وكتبنا كل حاجة
طيب خلاص كده خلصنا
لا ،ده أحنا لسه هنبدأ 💪 😁
محتاجين نجدد نيتنا ونبدأ بداية جديدة في التوفير والتدبير
الميزانية مش كل حاجة
ازاي بقي هطبق ؟
هي دي الفكرة👍
محتاجة اتعلم شوية تركات كده تساعدني شوية في ظل غلاء الاسعار والمسئوليات الكتير🙈
*وجبة الغدا دي صاحبة النصيب الاكبر من اكلتنا🤗
👈اول حاجة وانا بحط خطة الغدا في الميزانية اتعلمنا اننا بنحسب ايامنا عشان نحدد محتاجين كام وجبة
لو فرضا محتاجه ٢٥ وجبة في الشهر هخلي منهم ٥ وجبات هسميها وجبات بيتي
دي هعمل فيها ايه ؟🤔
اي حاجة ، اي حاجة ايوه زي ما بقولك كده😁
جبنة وبطيخ ، بواقي اكل عندي ، بطاطس محمرة في سندويتشات ، بيض وطاجن فول ،وهكذا
ده مفيد جدا في نواحي كتير والله
بيوفر عليا مجهود وفلوس طبعا
بيعود اطفالي ان النعمة غالية🌸 واني ممكن اتحط في ظروف يكون ده بس المتاح عندي ،
واني محتاجه اتعود علي التقشف بعض الوقت ، واني احس بغيري اللي ممكن يكون الاكل البسيط ده شيء رهيب وحلو اوي بالنسبة ليه😞 وهكذا
👈فكرة اني اعمل اكل يومين هتوفر معايا وقت ومجهود وفلوس
👈اغير تفكيري وتصوري عن البروتين ، البروتين مش بس لحمة وفراخ عشان الولاد يتغذوا كويس ،لا ممكن كمان تونة وبيض فهنوع المهم الفايدة
👈اكل اكل مغذي ومفيد ولا لازم انواع واصناف كتير
👈بواقي الاكل وما ادراكم ببواقي الاكل 👏😁، انا هعود نفسي مش هرمي اكل ابدا يا صدقه يا هشيله في الفريزر
هاجي في يوم محتارة او مزنوقه في الوقت او الفلوس هطلع كله جنب بعضه والدنيا هتبقي زي الفل😍
اغلبنا للاسف بيسيب بواقي للاكل في الثلاجة لحد ما تبوظ او طعمها يتغير ونضطر نرميها😒
👈هعمل حاجة حلوة اوي😍
اي حاجة هجبها وينفع اشيل منها قطعة او معلقه هعمل كده
واحطها في الفريزر
فرضا جبت بانية هشيل قطعة
جبت لحمه مفرومه هعصجها وهشيل معلقه
الكبد والقوانص مثلا هجمعهم وهكذا
خضار زي الجزر و البسلة
هاجي في يوم برده زنقت معايا هعمل بيتزا وهقطع البانية ده فوق الوش وخلاص
هعمل رز بالكبد والقوانص
هعمل فطيرة بيض باللحمة المفرومه وهكذا
هعمل رز بالخضار وجنبة سلطة
هلاقي عندي وجبات من الهوا من غير ما افكر او اتكلف
👈هدور علي مكان جنبي اكيد اسعاره افضل او بيبيع بسعر الجملة وهشتري منه ، معلش لو بعيد شوية بس انا اصلا هنزل مرة واحده كل ١٠ ايام زي ما اتفقنا ، بس ده في اجمالي الشهر هيوفرلي
👈اي حاجة مصنعة هقدر اعملها في البيت واوفر واكلها بطريقة صحية وافضل ، بمجرد سيرش علي النت واجرب مش هخسر حاجة اكيد👍
👈هبطل fast food شوية وهوفر وهحاول ادور علي الوجبات دي بتتعمل ازاي واوصل لأفضل نتيجة زي برا وولادي هيحبوها اكيد ، مش هستسهل💪❤
دي شوية افكار للغدا🌸
يلا شاركينا بأفكار توفر في وجبة الغدا ❤👍
واستنينا البوست الجاي👏👏
#أكاديمية_إشراقة
#روشتة_الصيف
ليست هناك تعليقات:
إرسال تعليق