السلام عليكم
سوبر مامي الخارقة🦸♀
اللي ظبطت ميزانية بيتها وبدأت تدبر وتوفر💪
اخبارك ايه ؟ يارب تكوني مبسوطة وسعيدة بانجازك😍
ظبطنا خطة الغدا وعرفنا تكات تساعدنا علي التوفير👍
طيب باقي الميزانية
التزامتنا اخبارها إيه ؟🤔
بند المواصلات🙈
بياخد مننا كتير
طيب نحاول نقنن الامور شوية علي قد ما نقدر
نخلي مشاورينا مع بعض
هودي الولاد التمرين وهعدي علي ماما في طريقي وهجيب حاجات من السوق وانا راجعه
رايحه كذا مشوار قريبين من بعض هنجزهم في يوم واحد افضل ليا في الوقت وفي المواصلات
الكهرباء كل شهر اغلي من التاني🙈
هوفر علي قد ما أقدر
مش لازم كل حد مننا في اوضه ممكن نتجمع في اوضه او اوضتين اشغل فيهم اضاءة كويسة وتهوية كويسة افضل ما نفتح نور ومراوح الشقة كلها
التكييف والحر🤦♀ ممكن اشغله نص ساعه يخلي درجة حرارة الاوضه معقوله واكمل بالمروحة وهكذا بدل ما يفضل شغال وقت طويل وطبعا استهلاك أكبر للكهرباء
نعود نفسنا واولادنا اي اوضه هنخرج منها هنقفل النور والمراوح وان دي حاجة مهمة جدا وحفاظا علي النعمة وعدم اسراف🌸
المياه كذلك 🙈
نفس الكلام نقنن استخدام المياه ونعلم ولادنا انها نعمة غالية جدا مينغعش اهدر فيها حتي في الوضوء
مينفعش اسيبها علي الفاضي او مقفلش الحنفيه كويس او اطول جدا في الشاور بدون داعي
لو عندك اي حاجة بتسرب مياه حاولي تصلحيها افضل واوفر ليكي في المستقبل👍
بند النضافه🙈
هجيب احتياج الشهر بس علي بعضه اول الشهر عشان ابقي ملزمه بيه ومهدرش فيه علي قد ما اقدر
في بدائل كتير لأدوات النضافة زي الديتول والمعطر والملمع ممكن نعملهم في البيت اوفر واامن بكتيييير وواليوتيوب موفرلك اكتر من طريقة كلها سهلة وموفرة👏 وإنتي شطورة وهتبهرينا
هجمع الغسيل واحدد له أيام بحيث نبقي مظبطين نفسنا بدل ما نضطر نشغل الغسالة وهي مش كاملة ونهدر في المسحوق
ننشر الغسيل بمجرد توقف الغساله عشان منضطرش نشطفه او نغسله تاني لو اعد وقت في الغساله وريحته اتغيرت
يلا ورينا شطارتك وتوفيرك وشاركينا بافكار بتوفري فيها في بند الالتزامات👏
دمتي جميلة و مدبرة🥰
بقلم أ. أمل حسين
#أكاديمية_إشراقة
#روشتة_الصيف
ليست هناك تعليقات:
إرسال تعليق