هعمل إيه لو مصروف البيت مكفاش كل البنود اللي اتكلمنا عنها ؟؟🤔
لا هيكفي🙄
هيكفي والله اصبري أنتي بس😁
*ما انتي هتطلعي صدقة❤ أول ما تاخدي المصروف وقبل كل حاجة
ربنا هيبارك لك في مصروف بيتك بإذن الله
"ما نقص مال عبد من صدقة"
*هتجددي نيتك أنك بتدبري و بتساعدي زوجك علي المعيشة ومش بتثقلي عليه وبتدخلي السرور عليه لما يخلص الشهر واحنا بنجتهد سوا إنه يعدي الي خير 🥰
*مش بتسرفي اتباعا لكلام النبي أن المسرفين كانوا اخوان الشياطين ، خير الأمور الوسط👍
*انتي راضيه برزقك ورزق أسرتك والرضا لمن يرضي و موقنة إن ربنا هيرزقك البركة بإذن الله 😍
*بتستغفري كتير بنية زيادة الرزق
فقلت استغفروا ربكم إنه كان غفارا يرسل السماء عليكم مدرارا ويمددكم "بأموال" وبنين ويجعل لكم جنات و يجعل لكم أنهارا
أموال يا جدعان أموال 🥰
ربنا يرزقنا واياكم يارب
*أنا عارفه أن مصروف البيت مش هيظبط معايا من أول شهر
عادي جدا ، لأني لسه في بند زي بند البيت مثلا انا مش عارفه احطله كام بالظبط وهكذا
لكن تاني شهر هيكون أفضل وتالت شهر وهكذا
وعايزة اقولكم اني تقريبا دلوقتي بفضل الله حافظة ارقام وبحطها والموضوع سهل وبسيط بس استمروا🥰👏
طيب إيه خلاص خلصنا كده ؟🧐
لا انتي رايحه فين ، تعالي يا فوزية ده أنا لسه هقولك علي التكات والحركات 🦸♀
البوست الجاي ، استعدي 😍
بقلم أ. أمل حسين
#أكاديمية_إشراقة
#روشتة_الصيف
#روشتة_
ليست هناك تعليقات:
إرسال تعليق