البوست اللي فات ظبطت أيام الشهر
وحسبت كويس بند الالتزامات وبند الغدا👍
يلا نكمل🥰
🌸رابع حاجة
في بند عندنا إسمه بيت
البند ده بنحط تحته ايه ؟
اي حاجة خاصة بالفطار والعشاء والخزين والفاكهة والخضار والحلويات والحركات 😁
طب هحطه مبلغ للشهر كله مرة واحده؟!
لا ، هو احنا بتوع الكلام ده😂
احنا ميزانيتنا دقيقة يا فندم🤓
احنا هنقسم فلوس البيت دي ل ٣ مبالغ قد بعض كل مبلغ في إيه؟
ظرف ، ممتازين 👏🤩
الشهر كام يوم يا أمل ؟🙋
٣٠ يوم كل ١٠ ايام ليهم مبلغ في ظرف
هنزل زي الشطورة مرة كل ١٠ ايام اجيب طلبات البيت اللي تقضيني العشر ايام دول بس
لا أكتر ولا أقل
ليه برده ؟🤔😁
*عشان احس دايما اني معايا فلوس ، أنا نايمه وقلبي متطمن ان في ظرفين مقفولين لسه 🤩
واكني كل ١٠ ايام باخد مصروف بيت جديد ، احساس رائع 😍
*عشان مفرتكش كل الفلوس أول الشهر واحتاس أنا اخر الشهر🙈
*أنا ممكن يكون بيكفيني ٣ كيلو لبن في الاسبوع بس لو جبت ٥ ؟!
هيخلصوا والله اسأليني أنا😁😌
*أنا بنزل ٣ مرات بس في الشهر عارفه هجيب ايه تحديدا،
ده هيوفر عليا كتير غير لما انزل كل يومين تلاته والاقي حاجة تعجبني واشتريها وهكذا
🌸طيب خامس حاجة
الطوارئ
هشيل بند صغير للطوارئ
صغير مش كبير يا فوزيه😁
عشان ده غالبا بيتفرتك اخر الشهر
🌸سادس حاجة
الادخار🤩
اه والله زي ما بقولك كده
ده بقي حط في كل اللي يتبقي معاكي
ولو حسبتي كل نقطة زي ما عملناها سوا هيتبقي معاكي بإذن الله 😍
حتي لو احتاجتيه اخر الشهر
مش مهم 🤗 المهم اني متطمنه طول الشهر اني معايا ادخار
حتي لو الادخار ده ٥٠ ج👍
🌸سابع حاجة والاخيرة
وهتعجبكوا دي أنا عارفه 😁😍
مصروفك الشخصي
طلعي جزء من مصروف البيت ليكي جتي لو ٢٠ ج بس
بس انتي عارفه اني دي بتاعتك💃
اجيب شيكولاته ، ايس كريم ، اشتري حاجة نفسي فيها 😊
دلعي نفسك بقي انتي تعبتي معانا كتير و وفرتي و دبرتي 👏👏
ملحوظة كبيرة اوي وركزي معايا👏👏
انا مش هفتح أي ظرف تحت أي ظرف من الظروف ابدا بتاتا خالص مالص الا في الحاجة اللي تخصه بس🧐
مش هاخد من ظرف الالتزامات عشان البيت
ولا هاخد من البيت عشان الغدا
متفقين ، شاطرين😘
هعمل ايه لو المصروف مكفاش كل البنود اللي فوق دي ؟🤔
لا هيكفي 🙄
هيكفي والله اصبري انتي بس😁
واقرأي البوست الجاي😊❤
بقلم أ. أمل حسين
شير ف الخير عشان نوصل للغير ونفيد ونستفيد 😍😍
قولولنا إيه أخبار الدنيا معاكم عشان نلحق نظبط قبل أول الشهر المرتب الجديد 😉😉
#أكاديمية_إشراقة
#روشتة_الصيف
#روشتة_ميزانية_البيت
ليست هناك تعليقات:
إرسال تعليق