حضرتي الادوات😍
يلا نبدأ 👏👏
هظبط ميزانيتنا في ٧ خطوات
وهقولك علي تريكات في الأخر تظبط لك الدنيا أكتر بإذن الله 🥰🥰
أول حاجة مطلوبة مننا قبل ما نقبض ب ٤ ايام هبدأ اظبط ميزانية الشهر الجديد
ليه ؟ 😊
عشان لو مسكت الفلوس في ايدي قبل ما اكون مظبطه كل حاجة غالبا هصرف منها واحدة واحدة وهلاقي الموضوع باظ مني🤦♀
طيب هعمل إيه ؟
🌸أول حاجة في اجندتنا الحلوة هفتح صفحتين قصاد بعض
هكتب في أول صفحة ايام الشهر كلها بمقابلها يوم ايه في الاسبوع يعني مثلا
١ سبت
٢ حد
٣ اتنين
وهكذا
لحد اخر الشهر
ليه هعمل كده ؟🤔
اني اكون شايفه الشهر كله قصاد عيني ده هيخليني أقدر احسب تكاليفي كويس
يعني مثلا هبدأ افلتر الأيام اللي بناكل فيها عند ماما او حماتي فهقدر احسب وجبات الغدا بشكل مظبوط
هقدر احسب الايام اللي هنزل فيها تمارين وكورسات فاحسب مواصلاتي بشكل واضح
وهكذا
في مجاملات عندي الشهر ده
فابقي عارفه من أول الشهر ومستعده
أنا التزاماتي ومصاريفي كلها باينه قدام عيني👀
🌸ثاني حاجة
الصفحة اللي قدامها
دي صفحة الفلوس بقي😁
هحسب التزاماتي بشكل واضح
كهرباء
مياه
غاز
نضافة
بامبرز
نت
مواصلاتي الضروريه
كورسات
أي حاجة وكل حاجة بدفعها بشكل ثابت أنا عارفه اني كل شهر بدفعها وهحطلها رقم تقريبي
وهطلعه احطه في ظرف ✉
تمام كده 👍
🌸تالت حاجة
هحسب وجبات الغدا
انا خلاص فلترت كل الايام اللي باكل فيها برا وعرفت محتاجه كام وجبة غدا بالظبط👍
هبدأ اكتب اللي محتاجاه بالظبط وهزود وجبة واحدة احتياطي
مثلا فراخ يومين
لحمة يومين
مسقعه يوم
بيتزا يوم
وهكذا ايه اللي هجيبه وهيعملي كام وجبة وبالحساب بتاعه عشان اعرف اجمالي بند الغدا كام بالظبط👌
وبرده هطلعه من مصروف البيت واحطه في ظرف✉
🌸رابع حاجة
لا 😁، كفايه رغي كده ونكمل في بوست جديد ، شير ومنشن و حركات عشان الباقي يستفاد😉😉
استنونا 🥰
#أكاديمية_إشراقة
#روشتة_الصيف
#روشتة_ميزانية_البيت
ليست هناك تعليقات:
إرسال تعليق