كونك أم في المجتمع ده .......دا أمر صعب جدا
كونك بقي أم و طفلك عنده مشكلة أو احتياج خاص من تأخر لغوي أو فرط حركة او توحد أو أطفال حركيين دا بيخلي المهمة مستحيلة.
الام في الطبيعي بتبقي خايفة علي أطفالها وقلقانة وبتفكر تخليهم أفضل إزاى، وفي نفس الوقت الدنيا ماشية ولطيفة تعبانة منهم صحيح لكن عارفة إنها مرحلة وهتمر
لكن الام إللي عندها طفل لديه مشكلة أو احتياج خاص بتبقي خايفة وقلقانة طول الوقت مبتعرفش تخرج😓 لو خرجت بترجع مضايقة ومخنوقة من كلام الناس أو نظراتهم أو أو😫.
نفسها تطمن بس إن ابنها الناس هتعامله علي إنه طبيعي وإنه هيعيش طبيعي وإنه المدرسة والاطفال مش هيتريقوا عليه أو يضايقوه.
بتخاف تروح زيارة لحد😒
مش مستمتعة إنها تقعد عشر دقايق تتكلم مع حد أو تقعد لوحدها ليحصل حاجة😔
طول الوقت حاسة إنها في طوارئ ليه متعرفش بس هو إحساس دائم😫
حاسة إنها هتفضل طول عمرها بتعافر وبتجرى ومش هتستريح هتشيل الهم وهما صغيرين وهتشيله آكتر لما يكبروا لو فضلت المشكلة قائمة 😢.
أنا بس بحاول احطكم علي جزء من الصورة صغير جدا لكن الحقيقة أصعب كتير.
علشان كدة الامهات دول لو اصحابكم أو قرايبكم أو شوفتوهم في الشارع ابتسمولهم لما تشوفوهم في موقف مع أولادهم ،ادعولهم مع طبطبة أو ابتسامة جميلة،شيلوا عنهم أولادهم ولو ساعتين كل كام شهر مرة يشموا نفسهم.
لو معاكم في رحلة أو خروجة اعرضوا عليهم أي مساعدة زي انكم تاخدوا بالكم من طفلها علي ما تتمرجح شوية أو تتمشي أو تاكل أكلها،اسمعولها وهي بتحكي عن تعبها بدون مقاطعة اسمعوا بحب وتعاطف لأنها مش بتبحث عن حل ،هي بتبحث عن حد حاسس بيها😍😍
ومتقولوش أبدا إن مشاكل أولادكم العادية تقارن بمشاكلها
وربنا يعينا ويعينكم جميعا ❤
#مقالاتأكاديميةإشراقة
#إشراقة_صباحية
ليست هناك تعليقات:
إرسال تعليق