الماميز الحلوين 🤗
مستعدين 👏
يلا نبدأ
أول حاجة محتاجة تظبطيها قبل ما نبدأ في ميزانية البيت هي
"أولوياتك"🌸
وعشان نرتب أولوليتنا صح محتاجين الأول نغير ثقافتنا ونظرتنا في بعض الأشياء
اللي ممكن نكون أكتسبناها من المجتمع أو ممكن تكون موروثة بالمناسبة
زي إيه مثلًا ، زي "ثقافة التكلف"
يعني إيه ؟!🤔
👈 يعني في الأكل مثلا /أنا مهتمة ناكل أكل صحي ولا مهتمة التلاجة تكون مليانة وخلاص
👈في العزومات / بهتم أعمل محمر ومشمر وكميات🍕🥩🍗 ولا أكل بسيط بطعم حلو و مميز 👌
👈طيب في اللبس /هو أنا بهتم نلبس ماركات وحركات👫 ، ولا لبس مناسب بتكلفة معقولة الاولاد يقدروا يلعبوا ويتحركوا براحتهم من غير ما اخاف عليه وانهار 😂
والمجاملات بقي 😁/ ياتري بجامل بمقدرتي ولا ممكن أضغط نفسي عشان العادات والتقاليد والناس هتقول إيه 🤦♀
وهكذا ، التكلف عمومًا في كل شيء 😊
قبل ما ترتبي أولوياتك أسالي نفسك يا تري إيه الجزء اللي ممكن أكون بتكلف فيه فعلا وبيضغطني وبيؤثر علي باقي النقاط ؟؟🤔
طيب خلاص ظبطنا الجزء ده وعملنا بعض التوازن 😍
ممتازة 👏😘
نيجي بقي لموضوعنا
🌸 "ترتيب الاولويات" 🌸
اسألي نفسك إيه أكتر حاجة مهمة بالنسبة لي ، بالنسبالك أنتي 💕، مش بالنسبة لأصحابك وقرايبك والمجتمع
أننا ناكل أكل صحي وكويس🍗
أننا نلبس كويس👫
ندخر ويكون عندنا ادخار للطوارئ💰
الأولاد وتعليمهم✏
طب التمارين والكورسات⚽🏆
طب ديكوات البيت وشكله العام ونفسيتنا👨👩👦👦
ووو.....
زي ما تحبي دي أولوياتك أنتي اللي علي أساسها هنظبط ميزانيتنا بإذن الله 🥰
*يبقي التاسك المطلوبة منك انهارده :
ورقة وقلم ونكتب📝
١- إيه هي النقاط اللي ممكن أكون بتكلف فيها فعليًا؟و متخافيش زوجك مش هيشوف الورقة دي ، ده سر💃😁
2- اكتب إيه هي أولوياتي المظبوطة من غير تكلف ؟
واكتبيلنا في الكومنتات إيه هي أكتر المشاكل اللي بتواجهك في تنظيم مصروف البيت 🙂👍
شير و منشن و كومنت لمل أصدقائك عشان أكبر عدد يستفيد
و استنينا البوست القادم ، و استعدي 💪❤
بقلم أمل حسين
ليست هناك تعليقات:
إرسال تعليق