في كتير من الاستشارات التربوية اللي بتجيلي
سيناريو بيتكرر كتير جدا
ان الطفل يكون بيتعرض لمعاملة
او كلام من أشخاص قريبين بتضايق او تؤذي الطفل
تقوم الأم من خوفها علي نفسية الطفل
او اتباعا لارشادات وبوستات متكررة
ان لا لازم تاخدي حق الطفل او تاخدي موقف او تردي الإساءة او او..... قدام ااطفل
كل دة صح
بس مع الاشخاص البعيدة عن الطفل مش القريبة
يعني اية🤔
😥يعني ساعات بدل ما بنكحلها بنعميها 😥
❤شكل علاقتك مع الأب قدام الطفل اهم
❤شكل علاقتك مع أمك او حماتك قدام الطفل أهم
❤شكل علاقتك مع اخواتك قدام الطفل أهم
👌لأن الطفل بيكون صورة ذهنية عن العلاقات بشكل غير مباشر
فلو آنتي بتزعقي وبتتخانقي مع الأب
مع التكرار الطفل هيبقي متخيل ان دا شكل العلاقة الطبيعية
وهيبقي قلقان ومتوتر وخياله هيسرح
ان بابا ممكن يإذي ماما
او ماما تمشي وتسيبنا
او كل الخناقات دي بسببه فأكيد هو شخص سيئ ويكون مفهوم عن ذاته سيئ
او إنه لما يكبر يكون دة شكل العلاقة الطبيعي
ونفس الحكاية لو مع الام او مع الحماة او الاخ
فبدل ما كان عندنا مشكلة واحدة بقي مشكلتين وتلاتة
وخصوصا ان أشخاص كتير لو دخلتي بشكل صدامي بتعند وبتزود الاذي وتكرره (جاجة تقرف يعني الصراحة 😤)
طيب الحل أية🤔
🌷اولا لازم تكوني عارفة ان مفيش اذي الطفل بيتعرضله مؤثر زي الأم ولا حتي الأب والله
فحتي لو اتعرضتي لموقف مش عارفة تتصرفي فيه خالص
ممكن تشرحي للطفل لو هو كبير او لما يكبر الشخص دة بيتصرف كدة ليه
و كتير مننا اتعرضوا لكدة ولما الام كانت بتفهمنا كانت بيتمحي اثر الاذي اللي اتعرضناله وخصوصا لو مش شديد او متكرر
🌷ثانيا لازم تتكلمي مع الطفل بعدها وتمدحي فيه او تشجيعه وتصححي اي مفهوم خاطئ وصله عن نفسه
🌷ثالثا لازم تحطي خطة للتعامل مع الشخص المسيئ ما تسببش مشكلة في علاقتكم وفي نفس الوقت توقف الاذي
وفي اكثر من خطة
⭐تلمحي ان الموقف بيضايقك ويضايق الطفل
⭐تتكلمي براحة كتنبيه
⭐تتجاهلي الشخص دة فترة كنوع من التنبية
⭐ تتكلمي بشكل عام ادام كذا شخص او تحكي قصة
⭐وممكن كمان تحكي قصة من خيالك عن نفس الموقف من شخص تاني بعيد وتحكي بقي إنك شتمتيه وهزئتيه ومسكتيش علشان دي حاجة مش مسموحة ابدا ولا بتحبيها وزودي بقي براحتك 😂
( ودة بينفع آوي مع اللي سنهم كبير ومتعرفيش تكلميهم 😂😂 تحكي القصة مع ضحكات شريرة داخلية متقطعة 😂😂)
⭐رابعا تعرفي وتدربي الطفل علي رد كويس يقوله للشخص يفهمه انه مضايق
⭐خامسا تتكلمي معاه من منطلق حبه للطفل وخوفه عليه وتبيني بهدوء الأثر السلبي اللي هيحصل للطفل او حصل بالفعل من الموقف
( ولو الأب اديله زمام اتخاذ القرار انه هو اللي يشوف بديل لتصرف صحيج علشان ميحسش ان دوره مهمش ولما ميلقيش بديل ( واكيد مش هيلاقي 😂) تكوني مجهزة اكتر من اقتراح وهو برضه اللي يختار علشان يحس انه هو اللي ممشي الدنيا بمزاجه وبقرراته ( من الاخر اضحكي عليه براحة كدة وانفخيه وخليه يختار اللي علي مزاجك بإرادته 😂 وربنا يقدرنا على فعل الخير)
⭐ سادسا كمان ممكن تبعتي مقالات او فيديوهات عن السلوك او التصرف السيئ دة وأثره علي الطفل
😤لو فضل الشخص مستمر لازم تقللي احتكاكه الطفل بيه وتعرفي الطفل وتدربيه يرد ردود كويسة وفي نفس الوقت يكون اخد حقه
ولو الاذي شديد ساعاتها علي حسب الموقف والشخص يكون التصرف
والاهم هو الدعاء ❤ ادعي كتير كتير
وربنا يبعد عننا دايما الاشخاص المؤذية ❤
#أكاديمية_إشراقة
ليست هناك تعليقات:
إرسال تعليق