إشراقة

المقال دة هنوضح فيه اية هي أكاديمية إشراقة ونظام الأكاديمية.
ورد علي الأسئلة الشائعة إللي بتبعتلنا ❤

الأكاديمية بدأت من فترة طويلة كجروب علي الفيس بوك كنت انا (هاجر محمد عبد العظيم) بقدم فيه كورسات مدفوعة وكورسات مجانية و مقالات وفيديوهات واستمر الشكل دة حوالي سنتين
وبعدها فكرت وحسيت انه هيكون أفضل لو كبرت الفكرة ودخلت أمهات تانية معايا تقدم افكارها وكورساتها و أساعدها تبدأ توصل للأمهات و الاطفال

ولقيت إنه دة الوقت المناسب انه تكون صفحة مش جروب
وكانت الخطوة كبيرة
فتعاونت مع أ هاجر عبد الوارث
وانشأنا الصفحة و تواصلنا مع عدد من الامهات يقدموا كورسات والحمد لله بدأت الاكاديمية بنجاح كبير وعدد كبير من الامهات والاطفال التحقوا بكورساتها
ومازال الحمد لله
ولكن بسبب ظروف مرت بها أ هاجر عبد الوارث انسحبت من الأكاديمية

تمام جميل نيجي بقي للأسئلة

🌷س : فين الاكاديمية  ؟
ج: أونلاين و خدماتها كلها اونلاين

🌷س: بتقدموا اية ؟
ج: كورسات وورش و مقالات  في مجالات مختلفة ومتنوعة
و استشارات كمان قريبا ❤

🌷س: لو عاوز التحق بأي كورس أو ورش أعمل اية ؟
ج:  بتبعت رسالة علي الخاص بنرسلك تفاصيل طرق الدفع

🌷س: بعد ما احول أعمل اية ؟
ج : بتبعت رسالة فيها صورة التحويل وبعدها بيتم إرسال لينك الجروب إللي فيه الكورس تدخله

🌷س: بعد ما ادخل أعمل اية ؟
ج : هيكون في المدرب الخاص بالكورس هيكون ذاكر تفاصيل المتابعة والمحاضرات والتطبيقات لأن كل كورس مختلف عن الاخر في المتابعة ووقته

🌷س: مش فاهم يعني إيه ورش للأم والطفل معاً ؟
ج: دي ورش الام تفتحها و طفلها معاها يشوفوا الفيديوهات وينفذوا معا الحاجات المطلوبة فيها
ودي فايدتها أم الام بتتعلم إزاي تقدم النشاط وتشاركه أفضل ما توديه كورس ومتبقاش عارفة هو أخذ اية أو فهم اية أو محتاج اية
وكمان هيسهل للامهات إللي مش بتعرف تخرج أو في محافظات بعيدة أو مغتربين إنها تتدي هي لطفلها الكورس ❤

🌷س: اية نظام الورش  دي وفي وقت محدد أخلص فيه الورشة وانفذها ؟
ج: أيوة النظام إن الاكاديمية هتفتح مع بداية كل شهر من يوم 1 ليوم 7 في الشهر إللي حابب يشترك في أي ورشة من الورشة المتاحة في الاكاديمية
وكل ورشة لها وقت من أسبوع إلي أسبوعين تنزل فيهم الفيديوهات وبعد كدة هندي أسبوع زيادة لو حد متأخر وبعد كدة بتنتهي الورشة مع نهاية الشهر وبنفتح الباب للاشتراك في الشهر الجديد ( النظام دة هيطبق بعد اجازة نص السنة مع بداية شهر 3 لأن اجازة نصف السنة متاح الاشتراك في أي وقت)

🌷 س: هو كل طفل بدفعله اشتراك ؟
ج : لا الاشتراك للأم واحد مهما كان عدد أطفالها ( ماعدا الورش إللي بتقدم لكل طفل علي حده مثل البرمجة)

🌷س: طيب والكورسات ؟
ج: الكورسات وقتها أطول علشان كدة هنفتح باب الاشتراك لدفعة جديدة كل 3 شهور
وهيكون في وقت محدد لسماع المحاضرات والتطبيق والملتزم فقط هو إللي هيكون متاح له المحاضرات دائما وإنه يدخل في جروب متابعة دائم مع المدربة

🌷س: طيب هيكون في أي خصم لو أخدت آكتر من كورس ؟
ج:  نعم هيكون في خصم لأن كتير منكم حابين يدخلوا كورسات وورش آكتر فحطينا خصم
بالنسبة للورش
أي أم هتشترك في 3 ورش هيكون الورشة الرابعة بخصم 50٪

بالنسبة للكورسات
بعد الاشتراك في أي كورس من كورسات الاكاديمية
هيكون في خصم 10٪ علي اي كورس بعده

🌷س:  هل في شهادة بعد الانتهاء من الورشة أو الكورس ؟
ج: أيوة هيكون في شهادة باسم الاكاديمية لكل المتدربين إللي انهوا المحاضرات
وفي الورش هتكون الشهادة باسم الطفل ❤

🌷س: أنا عندي كورس حابة أقدمه من خلال الاكاديمية ؟
ج: جميل ويسعدنا انضمام أي مدرب عنده فكرة جديدة هيبعتلنا علي رسائل الصفحة الخاصة السيرة الذاتية وتفاصيل الفكرة وهنقوله علي كل التفاصيل المطلوبة وتفاصيل العقد ❤